Krio language thread

[kokoroko]

na so i bi, bikohs notin yu kin du fo chenj posin we res in an. mebi bete fo yu wok wi uman bikohs dem geht kolat o yu lek wok bai yusehf? mi en wef go tek dem pikin na skul nain a plan fo go blo ba wi put sontin awe na os. yu yehri nyus boht naija plen go dohn na lagos en ol posin dem dai? ibosio! a op papa gud no le dem fambul sofa. naw a sabi da emerson cd bad bad wan. a op yu geht fain de o.

[bubudi]

adu bra. yu krio bete pas bifo. a lek fo wok wi oda posin ba mi jab mek a wok na mi yon boku. a don yeri boht di plen. lodamasi. a go go si som fambul dis wikehn. na di kwin in bafde nain wi geht olide.

[kokoroko]

kushe o bra, a tehnki yu fo ep mi lan krio ya so. a op yu na enjoi di olide wi fambul. tude bin de las de skul fo mi pikin dem. bo yu plen na go bich fo ple bol o swem dis wikehn? mi gyal pikin i vehks so fasfas nain mi fo tich am mana. afta juma tumara mi en fambul go go na vekehshon sote nehks wik. a de taya kuhz wok tude en a go blo jisno.

[kokoroko]

a foget na tehl yu da mi wef sista in gyal pikin tot bele o.

[bubudi]

kohngratyuleshohn fo yu wef in sista. ee, a tehl yu yu krio don bete, yu stat foh geht kialehs o!

a op yu na enjoi di olide

na fo se: a op yu de enjoi di olide. (a bin tehl yu aw de en na de yus fo difrehn ting dem.

bo yu plen na go bich

na fo se: bo yu plen fo go bich?. ohrait, i du so, bo.

na winta tem na ya nain mek i tu kohl foh swim en wi geht kohl briz leke ohyeh naya. a bin blo wi mi sista in fambul, mi mama en mi padi dem we a no bin si langtem. wetin yu lek fo du we yu blo? a lek fo yeri fain myusik, ple myusik, ba a no geht tem fo ram at ohl. usai yu de go foh olide? a geht lohk, mi boy pikin bihev fain wan, i nehba mek plaba. ba i smohl so, en a kiaful fo noh leh am du enitin, i geht fo finish wan tin, pak am awe, nade i kin bigin di oda tin. dis bin tich am tamisileh (peshehnt).

[kokoroko]

wehl, bambai a go du bete na krio. na winta yu geht sno en kohl briz de? we a blo mi lek fo luk na movie, ple gems en yeri fain myusik. wi bin go na siks flags fo olide. mi di wef en yohng gyal pikin go luk dohlfun dem en wehl nem shoka. a lek dem dohlfun bikohs dem flip en trihst di wata. a bin de suhpris fo si dem dohlfun it from an di uman en man. di oda tu pikin bin go wata rid wi dem kuhzin. yu fo du wan fain jab men boy pikin kohz yu no pwel am. a mos tich gyal pikin tamisileh o.

[bubudi]

tenki bra, ba a geht wan pikin nohmo so na yu du bete pas mi. yu bin de enjoi yu ohlide fain wan. we i geht wam ya a wan du semweso.

[kokoroko]

na so, ba a tenki mi wef fo ep men pikin dem kuhz i pik dem op from skul, tek dem na dokta en kuk. i no vagabon o kpolongo wi oda posin. di weda boku hat yaso en a de blo sote taym fo go na wok. a bin de rid boht wan salone imam komoht DC da tek boku kopo from tu titi de. di nyus fo se salone kumunati no in wehl ba i de big yay. di polis wan sabi oda posin met am.

[bubudi]

wali, na foh se: a tehl mi wehf tenki. don bak, yu bin se:

di polis wan sabi oda posin met am.

na fo se: di polis wan sabi oda posin we don met am.
yu geht fain wehda ba naya wi geht kohl briz leke ohye. yu kin put wata de, i go tan na ais. dis imam mek gbashigbashi en yukiyuki, ba dis bin de apin plenti na boku kohmyuniti dem, noto salon kohmyuniti nohmo. we yu se imam bakwohd, yu geht mami, na mami blehsin i no bin geht o. nain dat.

[kokoroko]

ebo! nain yu no ebul fo stat motoka we so kohl de? na so i bi we yu bin se yukiyuki de apin na boku kohmyuniti dem. na relijohs kohmyuniti pipul dem tros bifo dem sabi boht posin. naw pipul nid fo luk bakgron di posin.tude a bin kot tik flawa en gras na bakyad en bush dem oda os. afta mi wok don nain a bin de taya so. wi geht tu fain plohm tik da mi kin go pik frut. dem frut rehd en swit o. wetin yu fo du tude? dis siti mi tap de kohl mohda kapital na california.

[bubudi]

awo, i no kohl sote motoka no kin stat. yu geht lohk wi yu os de. a noh geht frut tik dem na mi yad. a don go na mi mami in os en ep im wi boku tins dem na in os. nade a don go makit bai frut en grins fo ram. nade a bin bai lif en rut meresin, nyu telefon, pila dem en kohbaklos, den a bin fen sohm pletins leke saliwansai ba dem ohl anima dem leke ehlifant en akpolo. dis ivin a go visit wan na mi behs padi dem. a trai kam naya egin foh tok krio wi yu, a noh geht boku tem so a go kam tek faya o. te nehks wi si bak, luk di kohrehkshohn dem:
na fo se tide (nohto tude)

naw pipul nid fo luk bakgron di posin

na fo se: naw pipul nid fo luk aw posin de waka en usai i komot.

a geht fani film fo sho yu. luk we di pa de pata dis ful in tolong o.

[kokoroko]

wehl, a lohk mi os ohl taym bifo a go awt ba de no wahala wi ayampi yaso ba kilin na di streht pasmak. yu mami abop pan yu fo ep wi tins na in os? nain yu de wan fain sohn. we mi bin de na mi mami os a fo du semweso. we yu de sik den yu tek agbo o meresin from di fahmasi? we mi de sik a lek fo bodi na hehl in yon. mi gyal pikin geht pletins leke dolbebi pikin buk en ple kichin dem. a tehl ram fo go put ohl pletins bak we i don ba in lef tin pan di flo. a op yu bin enjoi yusehf we yu go visit padi dem ba yu bin funk?

[bubudi]

a noh funk ba. a bin min se yu geht lak, yu os geht fain yad wi frut tik. we a sik a kin trai leh mi bodi beteh na in yon. yu noh se natin boht di film we a don pin pantap?

[kokoroko]

adu o, a go pik dem frut fo tek na wok o dem go fol pan gron en rot. a tihnk di film lili fani we ogbofo put wata en bit lef pan ed di fulman.

[bubudi]

na fani ba don bak di karamoko don molehs di fulman.

aw yu du bra? usai yu bin don ayd?